नेपाल विद्युत् प्राधिकरणले भारतमार्फत बङ्गलादेशतर्फ विद्युत् निर्यात पुनः सुरु गरेको छ। भारतले आवश्यक Letter of Credit (LC) जारी गरेपछि आइतबार (जेठ ३२ गते) देखि ४० मेगावाट जलविद्युत् बङ्गलादेश निर्यात सुरु गरिएको हो।
यो निर्यात नेपाल–भारत–बङ्गलादेश त्रिपक्षीय सम्झौताको आधारमा हरेक वर्ष जून १५ देखि नोभेम्बर १५ सम्मको अवधिमा गरिन्छ। नेपालले भारतको प्रसारण लाइन प्रयोग गरी बङ्गलादेशलाई विद्युत् पठाउने व्यवस्था गरेको हो।
नेपाल विद्युत् प्राधिकरणका अनुसार यसले देशको जलविद्युत् निर्यात क्षमतामा उल्लेख्य योगदान पुर्याउने छ भने विदेशी मुद्रा आर्जनमा समेत सहयोग पुग्नेछ। बङ्गलादेशले उर्जा संकट समाधान गर्न नेपालबाट आयात गरिने विद्युत्लाई महत्त्वपूर्ण उपलब्धि मानेको छ।
यसरी विद्युत् निर्यातको पुनः सुरुवातले दक्षिण एशियाली क्षेत्रीय उर्जा सहकार्यको दिशामा समेत सकारात्मक सन्देश दिएको प्राधिकरणले जनाएको छ।