भारतको बेंगलुरु र नेपालको राजधानी काठमाडौं बीच अब सीधा हवाई यात्रा सम्भव भएको छ। एयर इन्डिया एक्सप्रेस ले २०२५ जुन १ बाट नयाँ सीधा उडान सेवा सुरू गरेको छ, जसले दुई शहरबीचको आवागमनलाई थप सहज र छिटो बनाउने अपेक्षा गरिएको छ।
उक्त हवाई सेवाको प्रारम्भिक भाडा रु. ८,००० (भारु) देखि सुरू हुने जनाइएको छ, जसले विद्यार्थी, पर्यटक, व्यवसायी र आम यात्रुहरूलाई किफायती विकल्प प्रदान गर्नेछ। यस सेवाबाट खासगरी दक्षिण भारत र नेपालबीचको आर्थिक, सांस्कृतिक तथा पर्यटकीय सम्बन्धलाई थप सुदृढ बनाउने विश्वास गरिएको छ।
उडान तालिका र अन्य जानकारीहरू एयर इन्डिया एक्सप्रेसको वेबसाइट वा मोबाइल एपमा उपलब्ध छन्। नेपाल र भारतबीचको सम्बन्ध अझ प्रगाढ बनाउँदै यो नयाँ हवाई सेवा क्षेत्रीय कनेक्टिभिटीको दृष्टिकोणले महत्वपूर्ण उपलब्धि मानिएको छ।